මුල් පිටුවGOSSIPඔස්කාර් උළෙලේදී පළමු වරට ඉන්දියානු චිත්‍රපට ගීතයකට සම්මානයක්‍‍ (🎥)

ඔස්කාර් උළෙලේදී පළමු වරට ඉන්දියානු චිත්‍රපට ගීතයකට සම්මානයක්‍‍ (🎥)

ඔස්කාර් සම්මානයක් දිනාගත් පළමු ඉන්දියානු චිත්‍රපට ගීතය බවට පත්වෙමින් තෙළිඟු භාෂිත චිත්‍රපටයක් වන RRR හි Naatu Naatu ගීතය ඉතිහාසගත වෙයි.

මේ වන විට ලොස් ඇන්ජලීස් හි ඩොල්බි රඟහලේදී පැවැත්වෙන 95 වැනි ඔස්කාර් සම්මාන උළෙලේදී මෙලෙස හොඳම සිනමා ගීතයට සම්මාන දිනාගත්තේ RRR නමැති ඉන්දියානු සිනමාපටයේ ගීතයකි.

ලෝක ප්‍රකට ලේඩි ගාගා සහ රිහානා ගායනා කළ ගීත ද අභිබවමින් මෙම ගීතය සම්මානයට පාත්‍ර වී ඇත.

දක්ෂ සංගීතඥයකු වන එම් එම් කීරවානි සම්මානය පිළිගනිමින් පැවසුවේ මෙම ගීතය ‘සෑම ඉන්දියානුවෙකුගේම අභිමානය’ බවයි.

උත්සවයට පැමිණි විට, Naatu Naatu හි ගායකයෙකු වන Kaala Bhairava, මාධ්‍යට වෙත පැවසුවේ, එම ගීතය ‘නිජබිමේ මුල් බැසගත්තක්’ නිසා එය සම්මානයට සුදුසු බවයි.

‘ඔස්කාර් සම්මාන උළෙලේ ලස්සනම කොටස මෙන්න මේකයි. ලොව පුරා සිටින මිනිසුන් එකට එකතු වී සිටින තැනක, තමන්ගේ සංස්කෘතිය සහ තම කලා කෘතීන් නියෝජනය කරමින් වෙනත් රටවල සහ ප්‍රජාවන්ගේ ඇගයීමට ලක්වීම’ යැයි ද ඔහු පැවසීය.