කොරෝනා වෛරසය රසායනාගාරයකින් කාන්දුවීමක් බවට කරනු ලබන උපකල්පනය බැහැර නොකළයුතු බව හිටපු චීන රජයේ විද්‍යාඥයෙකු බීබීසී පුවත් සේවයට පවසා තිබේ.
මහාචාර්ය ජෝර්ජ් ගාඕ බීබීසී ගුවන් විදුලි නාලිකාවේ විකාශය කළ සම්මුඛ සාකච්ඡාවදී මේ බව ප්‍රකාශ කළේය. එහිදී ඔහු පෙන්වා දුන්නේ, ″විද්‍යාවේදී සෑම විටම ඕනෑම දෙයක් සම්බන්ධයෙන් සැක කළ කරන්න පුළුවන්. ඒ නිසා කිසිම දෙයක් බැහැර කරන්න එපා.″ යනුවෙනි.
මහාචාර්ය ජෝර්ජ් ගාඕ චීනයේ රෝග පාලන මධ්‍යස්ථානයේ ප්‍රධානියා ලෙස කටයුතු කරමින් චීනයේ කොරෝනා වසංගත තත්ත්වයට ප්‍රතිචාර දැක්වීමේදී විශාල කාර්යාභාරයක් ඉටු කළ විද්‍යාඥයෙකි. ඔහු වෛරස සම්බන්ධයෙන් ලොව සිටින ප්‍රමුඛම විද්‍යාඥයකු වන අතර සිය ආචාර්ය උපාධිය බ්‍රිතාන්‍යෙය් ඔක්ස්ෆර්ඩ් විශ්ව විද්‍යාලයෙන් ලබා ගැනීමට සමවත්ව ඇත.
මෙහිදී චීන රජය විසින් නිකුත් කළ සිය නිල ප්‍රකාශයන්ගෙන් අදහස් කිරීමට උත්සහ කළ මට්ටම වඩා බැරෑරුම් ලෙස කොරෝනා වෛරසය විද්‍යාගාරයකින් කාන්දු වී ඇති බවට සැක කළ ඇති බවටද මහාචාර්යවරයාගේ ප්‍රකාශයෙන් උපකල්පනය කළ හැකි බවද බීබීසි ලෝක සේවය පෙන්වා දෙයි.
මේ අතර මහාචාර්ය ගාඕ බීබීසීයට පවසන්නේ වුහාන් වෛරස් විද්‍යා ආයතනය පිළිබඳ යම් ආකාරයක විධිමත් පරීක්ෂණයක් චීන රජය විසින් සිදු කළ බවයි. සම්මුඛ සාකච්ඡාවේදී මහාචාර්යවරයා ප්‍රකාශ කර ඇත්තේ, ″ රජය යමක් සංවිධානය කලා ඒත් ඒකට මගේ දෙපාර්තමෙන්තුව වන චීනයේ රෝග පාලන මධ්‍යස්ථානය සම්බන්ධ වුනේ නැහැ″ යනුවෙනි.
මෙහිදී බීබීසි නාලිකාවේ මාධ්‍යවේදීන් විසින් චීන රජයේ වෙනත් ශාඛාවක් විසින් වූහාන් විද්‍යාගාරය පිළිබඳ විධිමත් විමර්ශනයක් කළේද යන්න පැහැදිලි කරන ලෙසට විමසා ඇත.
එහිදී මහාචාර්යවරයා ″ඔව්″ යනුවෙන් පිළිතුරු ලබාදී තිබේ. “ඒ විද්‍යාගාරය ක්ෂේත්‍රයේ ප්‍රවීණයන් විසින් දෙවරක් පරීක්ෂා කළා.” යනුවෙන්ද ප්‍රකාශ කර තිබේ.
ඒ අනුව චීන රජය විසින් යම් ආකාරයකින් වූහාන් විද්‍යාගාරය සම්බන්ධයෙන් නිල වශයෙන් පරීක්ෂණයක් කළ බවට පිළි ගත් පළමු අවස්ථාව මෙයයි. කෙසේ වෙතත් මහාචාර්ය ගාඕ ප්‍රකාශ කර සිටියේ තමන්ට අදාල පරීක්ෂණයේ ප්‍රතිඵල දැක බලා ගැනීමට අවස්ථාව හිමි නොවූ බවයි.
කෙසේවෙතත් අදාල විද්‍යාගාරය සම්බන්ධයෙන් ඉතා පිරිසිඳු තත්ත්ව වාර්තාවක් නිකුත් කළ ඇති බවට තමන්ට අසන්නට ලැබුණු බව මහාචාර්යවරයා සඳහන් කළේය.
“මම හිතන්නේ ඔවුන්ගේ නිගමනය වන්නේ විද්‍යාගාරයේ සිටින විද්‍යාඥයින් සියලු ආරක්ෂිත ක්‍රමවේද අනුගමනය කර ඇති බවයි. ඒ නිසා විමර්ශන කාණ්ඩායම් විසින් විද්‍යාගාරය සම්බන්ධයෙන් කිසිදු වරදක් සොයාගෙන නැහැ.” යනුවෙන්ද මහාචාර්යවාරයා ප්‍රකාශ කළේය.
