ශ්‍රී ලංකාව සමඟ තරග තුනකින් සමන්විත විස්සයි 20 තරගාවලියේ පළමු තරගය ලකුණු 43කින් ජය ගැනීමට ඉන්දියාව මීට සුළු මොහොතකට පෙර සමත් වූයේය.
කාසියේ වාසිය දිනු ශ්‍රී ලංකා කණ්ඩායම පළමුව පන්දුවට පහරදීමේ අවස්ථාව ඉන්දියාවට ලබා දුන්නේය. ඒ අනුව පන්දුවාර විස්ස අවසානයේ ඉන්දයීය කණ්ඩායම කඩුලු හතක් දැවී ලකුණු 213 ලබා ගත්තේය.
ජයග්‍රහණය හඹා ගිය ශ්‍රී ලංකා කණ්ඩායමේ සියලුදෙනා ලකුණු 170කට දැවී ගියෝය. සාර්ථක ආරම්භයක් ලබාගත් පැතුම් නිශ්ශංක පන්දු හතළිස් අටක දී අගනා ලකුණු 79ක් ලබාගත් අතර ඔහු හා එක්ව කුසල් මෙන්ඩිස් පන්දු විසි හතකදී ලකුණු 45 ලබා ගත්තේය.
එසේ වුවද මැදපෙළ පිතිකරුවන් සම්පූර්ණයෙන් අසාර්ථකවීම තුළ ශ්‍රී ලංකාවට තරගයේ ජයග්‍රහණය කිරීමේ බලාපොරොත්තු අතහැර දැමීමට සිදුවිය. කුසල් පෙරේරා ලකුණු 20යි. කමිදු මෙන්ඩිස් ලකුණු 12යි.
ඉන්දියාව 213/7 (20)
ශ්‍රී ලංකාව 170/10 (19.2)
