පිරිමි පුද්ගලයකු සමඟ සමාජ මාධ්‍ය ඔස්සේ සම්බන්ධ වෙමින් සංවාද ගොඩනගාගෙන එම පුද්ගලයාගේ නිරුවත් ඡායාරූප හා වීඩියෝ ගෙන්වාගනිමින් ඒවා අන්තර්ජාලයට දමන බවට තර්ජනය කර රුලියල් ලක්ෂ 07ක මුදලක් බලහත්කාරයෙන් ලබාගත් බව කියන 20 හැවිරිදි තරුණයකු පරිගණක අපරාධ විමර්ශන වයඹ පළාත් ඒකකයේ නිලධාරීන් විසින් ඊයේ (05) අත්අඩංගුවට ගෙන ඇත.
මේ සම්බන්ධයෙන් පරිගණක අපරාධ විමර්ශන ඒකකයට පැමිණිල්ල ලැබී ඇත්තේ පසුගිය 04 වෙනිදාය.
තුල්හිරියේ පදිංචිකරුවෙක් වන සැකකාර තරුණයා අත්අඩංගුවට ගෙන ඇත්තේ දෙහිවල පොලිස් වසමේ කවුන්සිල් ඇවිනිව් පෙදෙසේදීය.
