අයිස් හා ගංජා සමඟ සැකකරුවෙකු අත්අඩංගුවට ගැනීමට යාමේදී ඊට බාධාකරමින් සැකකරුට පළායාමට ඉඩ සැලසීම සම්බන්ධයෙන් යුද හමුදා කමාන්ඩෝ සෙබල පියපුතු යුවලක් මැණික්හින්න පොලීසිය අත්අඩංගුවට ගෙන ඇත.
අත්අඩංගුවටගත් මෙම පියපුතු යුවල පිලවල හතමුණ ප්‍රදේශයේ පදිංචි කරුවන්ය. පියා 49 හැවිරිදි වියැති විශ්‍රාමික කමාන්ඩෝ සෙබලෙක් අතර පුතා වවුනියාව කඳවුරේ සේවයේ නිරත 21 හැවිරිදි වියේ පසුවන්නෙකි.
මෙම සැකකාර පියපුතු යුවලගේ ඥාතියෙක් ඔවුන්ගේ නිවස ඉදිරිපිටදී පොලීසියට පෙරේදා කොටුවී ඇත්තේ අයිස් මත්ද්‍රව්‍ය ග්‍රෑම් 90ක් සහ ගංජා මිලිග්‍රෑම් 2,500ක් සමගිනි. ඒ අනුව ඔහුව අත්අඩංගුවට ගැනීමට යාමේදී ඊට බාධා කරමින් පියපුතු යුවල සැකකරුට පැනයාමට ඉඩසැලසූ බව පොලීසිය සඳහන් කරයි.
